UM Námskeiðið

​

DansGrunnur er nýtt byrjendanámskeið hjá Listdansskóla Hafnarfjarðar. Námskeiðið er fyrir nemendur fædda 2004 - 2006 sem langar að kynnast fjölbreyttum dansstílum og tækni..

Á námskeiðinu fá nemendur þjálfun í djass- og nútímadanstækni, kynnast mismunandi dansstílum eins og klassískum ballett, street djass, musical djass o.fl,  fá styrktar og liðleikaþjálfun og læra tónskynjun og túlkun hreyfinga við tónlist.​

​

Markmið námskeiðsins er að veita nemendum innsýn inn í  fjölbreytta dansstíla ásamt því að þeir öðlist gott vald á réttri líkamsbeitingu og stöðu, fái tilfinningu fyrir samhæfingu líkamshluta í hreyfingu, öðlist líkamsstyrk og liðleika, fái þjálfun í að samhæfa tónlist og hreyfingu og getu til að dansa í hóp.​

Upplýsingar um greiðslu skólagjalda​

Ganga skal frá skólagjöldum fyrir fyrsta danstíma.  Hægt er að greiða með kreditkorti eða greiðsluseðlum og fer öll skráning og greiðsla fram í gegnum skráningarvef skólans hér https://listdansskoli.felog.is/

​

Greiðsla æfingagjalda er forsenda/skilyrði fyrir þátttöku á æfingum hjá Listdansskóla Hafnarfjarðar. Þjálfarar skrá mætingar á hverja æfingu. Iðkendur með ógreidd æfingagjöld fá ekki að taka þátt í lokasýningum skólans.

​​

Mikilvægt er að hafa samband við Listdansskóla Hafnarfjarðar á ef um fjárhagserfiðleika er að ræða og finna úrlausn sem leiðir til áframhaldandi þátttöku iðkandans.

​

Reglur varðandi endurgreiðslu æfingargjald

​Innritun á námskeið jafngildir samningi um greiðslu á skólagjöldum. Athugið að innritun er bindandi.

Ef hætta þarf við skráningu áður en kennsla hefst fæst 100% endurgreiðsla. 50% endurgreiðsla er í boði fyrstu vikuna eftir að kennsla hefst. Eftir aðra viku eru skólagjöld ekki endurgreidd. 

​

Kjósi iðkandi að hætta æfingum verður úrsögn að berast með tölvupósti á netfangið

Það er á ábyrgð forráðamanna að tilkynna úrsögn; tilkynning til þjálfara iðkandans er ekki tekin gild.

Ekki er heimilt að endurgreiða það sem greitt hefur verið með frístundastyrk Hafnarfjarðarbæjar.

​

Afslættir og niðurgreiðsla skólagjalda

Niðurgreiðsla er í boði frá öllum helstu bæjarfélögum á höfuðborgarsvæðinu. Listdansskóli Hafnarfjarðar er með samning við Reykjavíkurborg, Mosfellsbæ, Garðabæ, Seltjarnarnes, Kópavog og Hafnarfjörð um aðild að frístundarstyrk.

​

Einnig er í boði systkinaafsláttur fyrir systkini sem æfa við skólann og fjölgreinaafsláttur

​