Fjölbreytt námskeið

fyrir fullorðna

Lýra 16 ára +

25.500kr

Hefst 22. september

Tvisvar í viku í 6 vikur.

Kennt á þriðjudögum og fimmtudögum frá kl. 19.10 - 20.10

Aldur:  16 ára og eldri (byrjendur)

​Lágmarksfjöldi þáttakenda er 4

Skvísudansþrek 20 ára+

12.500kr

Aldur:  20 ára +

1x í viku í 6 vikur

- Skvísudans 1 á þriðjudögum frá kl. 19.30-20.30

- Skvísudans 2 á fimmtudögum frá kl. 19.30 - 20.30

Salsa - byrjendur

9.500 kr. fyrir einn

17.000 kr. fyrir par

Hefst 16. september

1x í viku í 5 vikur

Kennt er á miðvikudagskvöldum kl. 19.30 - 20.30

Við hvetjum bæði einstaklinga og pör til að skrá sig.

​Lágmarksfjöldi þátttakenda er 14

Salsa - Framhalds

9.500 kr. fyrir einn

17.000 kr. fyrir par

Hefst 16. september

Fyrir þá sem hafa farið á grunnnámskeið í salsa

1x í viku í 5 vikur.

Kennt er á miðvikudagskvöldum kl. 20.30 - 21.30

Við hvetjum bæði einstaklinga og pör til að skrá sig.

​Lágmarksfjöldi þátttakenda er 14

UM Lýru

Lýra er glænýtt námskeið hjá Listdansskóla Hafnarfjarðar!

Lýra er loftfimleikahringur sem hangir í loftinu og læra nemendur hér að gera fjölbreyttar og krefjandi æfingar inn í honum.

Á námskeiðinu læra nemendur undurstöðuatriðin eins og að komast inn í hringinn ásamt því að læra einfaldar stöður hangandi í lýrunni.

Æfingar í lýru reynir jafnt á jafnvægi, styrk og liðleika og því mikil áhersla lögð á að læra á og treysta eigin líkama ásamt því að efla líkamsburð. 

 

Kennd verða grunnatriðin og tímarnir þróast svo með framförum nemenda..​

Ekki er nauðsynlegt að hafa grunn í dansi eða öðrum íþróttum til að byrja að æfa og bjóðum við alla velkomna.

UM Skvísudans

Skvísudansþrek er fyrir þá sem vilja gleðjast í gegnum dans og það eru engar kröfur um dansreynslu!

 

Á námskeiðinu verða ýmsir dansstílar teknir fyrir eins og jazzballett, nútímaballett og klassískur ballett ásamt ýmsum pilates æfingum.  Það verður því mikil fjölbreytni og að sjálfsögðu fjör því það er fátt annað skemmtilegra en að dansa. Dans er líka gríðarlega góð heilsurækt, styrkir allan líkamann, gefur langa og fallega vöðva og bætir líkamsstöðuna.

UM Salsa

Ein nýjasta viðbót skólans, Salsa! Komdu og lærðu salsa hjá latin dansaranum Jóa á mánudagskvöldum. 

Jói kom dansandi í heiminn og er í dag á meðal bestu salsa kennara landsins. Hann hefur dansað og kennt salsa í yfir 10 ár ásamt því að hafa stundað salsanám í nokkrum af bestu dansskólum Kúbu. 

Námskeiðin hans Jóa eru gríðarlega vinsæl og sækja nemendur hans námskeið hjá honum ár eftir ár. Mikil áhersla er lögð á að skapa létt og skemmtilegt andrúmsloft en eins og Jói segir „Það geta allir dansað salsa. Dansinn er frekar auðveldur en salsa snýst um svo miklu meira. Salsa snýst um félagsskapinn, að stunda skemmtilega líkamsrækt og síðast en ekki síst að hafa gaman – þess vegna geta allir dansað salsa.“

Markmið grunnnámskeiðsins er að læra grunnsporin í salsa og leyfa gleðinni að vera við völd. Þú þarft hvorki að hafa dansreynslu né dansfélaga til að skrá þig, í salsa er hefð fyrir því að allir bjóði öllum upp.

Markmið framhaldsnámskeiðsins er að fara dýpra inn í salsa-tæknina og er fyrir nemendur sem hafa lokið grunnnámskeiði. Ekki er nauðsynlegt að hafa dansfélaga til að skrá sig. 

Danstímar eru skemmtileg kvöldstund. Ekki nauðsynlegt að koma með dansfélaga.

Upplýsingar um greiðslu skólagjalda

Ganga skal frá skólagjöldum fyrir fyrsta danstíma.  Hægt er að greiða með kreditkorti eða greiðsluseðlum og fer öll skráning og greiðsla fram í gegnum skráningarvef skólans hér https://listdansskoli.felog.is/

Greiðsla æfingagjalda er forsenda/skilyrði fyrir þátttöku á æfingum hjá Listdansskóla Hafnarfjarðar. Þjálfarar skrá mætingar á hverja æfingu. Iðkendur með ógreidd æfingagjöld fá ekki að taka þátt í lokasýningum skólans.

Mikilvægt er að hafa samband við Listdansskóla Hafnarfjarðar á listsansskoli@listdansskoli.is ef um fjárhagserfiðleika er að ræða og finna úrlausn sem leiðir til áframhaldandi þátttöku iðkandans.

Reglur varðandi endurgreiðslu æfingargjald

Innritun á námskeið jafngildir samningi um greiðslu á skólagjöldum. Athugið að innritun er bindandi.

Ef hætta þarf við skráningu áður en kennsla hefst fæst 100% endurgreiðsla. 50% endurgreiðsla er í boði fyrstu vikuna eftir að kennsla hefst. Eftir aðra viku eru skólagjöld ekki endurgreidd. 

Kjósi iðkandi að hætta æfingum verður úrsögn að berast með tölvupósti á netfangið listdansskoli@listdansskoli.is

Það er á ábyrgð forráðamanna að tilkynna úrsögn; tilkynning til þjálfara iðkandans er ekki tekin gild.

Ekki er heimilt að endurgreiða það sem greitt hefur verið með frístundastyrk Hafnarfjarðarbæjar.

Listdansskóli Hafnarfjarðar, Helluhraun 16-18, 220 Hafnarfjörður / listdansskoli@listdansskoli.is

  • Facebook Social Icon
  • Instagram Social Icon