Dansnámskeið fyrir fullorðna
Langar þig að læra salsadans, dansa við skvísutónlist eða fljúga um í silkjum?
Þú finnur fjölbreytt og spennandi námskeið hjá Listdansskóla Hafnarfjarðar fyrir fullorðna.
Nánari upplýsingar um námskeiðin má finna hér fyrir neðan!
Námskeiðin
Salsa 1
Komdu og lærðu að dansa salsa.
Salsanámskeiðin okkar eru gríðarlega vinsæl. Á þessu byrjendanámskeiði er mikil áhersla er lögð á að skapa létt og skemmtilegt andrúmsloft en eins og við segjum „Það geta allir dansað salsa. Dansinn er frekar auðveldur en salsa snýst um svo miklu meira. Salsa snýst um félagsskapinn, að stunda skemmtilega líkamsrækt og síðast en ekki síst að hafa gaman – þess vegna geta allir dansað salsa.“
- Næsta námskeið hefst 15. október og lýkur þann 12. nóvember (ekki kennt miðvikudaginn 29. október).
- Kennt 1x í viku í 4 vikur á miðvikudögum frá kl. 20.00 – 21.00
- Lágmarksfjöldi þátttakenda er 10.
- Verð: 10.500 kr (21.500 ef tveir eru skráðir saman).
Við hvetjum bæði einstaklinga og pör til að skrá sig.
Salsa 2
Fimm vikna salsanámskeið fyrir þá sem hafa lokið byrjendanámskeiði.
- Næsta námskeið hefst 8. október og lýkur þann 12. nóvember (ekki kennt miðvikudaginn 29. október)
- Kennt 1x í viku í 4 vikur á miðvikudögum frá kl. 19.00 – 20.00
- Lágmarksfjöldi þátttakenda er 10.
- Verð: 12.500 kr (24.000 ef tveir eru skráðir saman).
Við hvetjum bæði einstaklinga og pör til að skrá sig.
Dívudans
Dívudans er fyrir þá sem vilja gleðjast í gegnum dans og það eru engar kröfur um ákveðna dansreynslu. Fullkomið námskeið fyrir bæði nýja og fyrrum dansara.
Á námskeiðinu verða gerðar barre styrktaræfingar, dansæfingar og kenndar fjölbreyttar dansrútínur. Og að sjálfsögðu verður fjör því það er fátt annað skemmtilegra en að dansa.
- Námskeiðið hefst 8. september og lýkur þann 6. október
- Kennt 1x í viku í 5 vikur á mánudögum frá kl. 19.30 – 20.30.
- Lágmarksfjöldi þátttakenda er 10.
Barre Fit
Frábært námskeið fyrir þá sem vilja bæta styrk og liðleika.
Hádegis barre námskeið þar sem er unnið við ballettstöng með áhöld (lóð, teygjur o.fl.) og eigin líkamsþyngd á fjölbreyttan og árangursríkan hátt. Þú styrkir vöðvana, liðkar þig og æfir samhæfinguna allt á sama tíma.
Kennari er Rebecca, viðurkenndur Barre kennari með 10 ára reynslu.
- Námskeiðið hefst 11. september og lýkur þann 9. október
- Kennt 1x í viku í 5 vikur á fimmtudögum frá kl. 12.00 – 12.50.
