JAZZ

Jazzdans hefur verið í boði hjá listdansskólanum síðan 2001 og hafa margir nemendur frá okkur haldið áfram í framhaldsnám í dansi bæði hérlendis og erlendis.

Við leggjum mikla áherslu á góða tæknþjálfun og líkamsburð, gott tóneyra og tjáningu og danssköpun. 

Nemendur 6 ára og eldri geta bætt við sig auka valtímum til að auka tæknigetu, styrk og sviðsframkomu.

Við bjóðum alla nýnema hjartanlega velkomna en biðjum þá um að hafa samband við skrifstofu skólans upp á hvaða hóp þau fara í.

Allir kennarar eru menntaðir í dansi og eru með mikla reynslu. 

Önnin endar á glæsilegri sýningu.

Haustönn 2024 hefst 26. ágúst

Hópar skólaárið 2024 – 2025

Skráning

B – hópar (6-8 ára)

Nemendur í B hópum læra grunntækni jazzdansins, að nota rétta líkamsstöðu og efla styrk ásamt því að  læra grunninn í snúningum, hoppum og stökkum. Einnig er lögð áhersla á að þau öðlist grunnfærni í hreyfingum um rýmið og séu meðvituð um rýmið og áttir ásamt því að læra mismuandi dansa og spuna æfingar.

Allir B hópar æfa einu sinni í viku en geta bætt við sig valtímum sem veitir þeim tækifæri til að öðlast betri og fjölhæfari þjálfun eftir áhugasviðið sínu. 

Skólaárið 2024-2025 eru nemendur í B-hópum fæddir árið 2016-2018

C – hópar (9-11 ára)

Nemendur í C hóp vinna áfram að ná grunntækninni ásamt því að unnið er áfram með að ná réttri líkamsstöðu og byggja upp styrk. Nemendur byrja að læra flóknari útgáfur af snúningum, hoppum og stökkum ásamt fjölbreyttari danssporum.

Allir C hópar æfa tvisvar sinnum í viku en geta bætt við sig valtímum sem veitir þeim tækifæri til að öðlast betri og fjölhæfari þjálfun eftir áhugasviðið sínu. 

Skólaárið 2024-2025 eru nemendur í C-hópum fæddir árið 2013-2015

D – hópar (12-14 ára)

Nemendur í D hóp vinna áfram með gunntækni jazzdansins ásamt því að meiri áhersla er lögð á styrkaræfingar til að geta náð fjölbreyttari danssporum. Hér fara nemendur í flóknari og erfiðari samsetningar á æfingum, hoppum, snúningum og dansrútínum. 

Allir D hópar æfa tvisvar sinnum í viku en geta bætt við sig valtímum sem veitir þeim tækifæri til að öðlast betri og fjölhæfari þjálfun eftir áhugasviðið sínu. 

Skólaárið 2024-2025 eru nemendur í D-hópum fæddir árið 2010-2012

E – hópar (15 ára og eldri)

Nemendur í E hóp eru komnir á efsta stig skólans og því enn flóknari samsetning á æfingum kennd. Mikil áhersla er lögð á tæknilega vinnu og styrk nemenda ásamt því að þeir læri fjölbreyttar dansrútínur.

Allir E hópar æfa tvisvar sinnum í viku en geta bætt við sig valtímum sem veitir þeim tækifæri til að öðlast betri og fjölhæfari þjálfun eftir áhugasviðið sínu. 

Skólaárið 2024-2025 eru nemendur í E-hópum fæddir árið 2009 og eldri

Helstu upplýsingar

Um hópaskiptinguna

Skipt er í hópa eftir aldri og reynslu.

Vinsamlega athugði að hvert skólaár er frá ágúst – maí.

Við bjóðum þá einnig alla nýnema hjartanlega velkomna en biðjum þá um að hafa samband við skrifstofu skólans upp á hvaða hóp þau fara í.

Valtímar

Við viljum veita nemendum okkar tækifæri til að öðlast betri og fjölhæfari þjálfun og erum því með fjölbreytta valtíma í boði sem hægt er að skrá sig í aukalega.

Valtímar:

  • Söngleikjadans (fyrir 6 ára og eldri)
  • Nútímadans (fyrir 9 ára og eldri)
  • Commercial (fyrir 9 ára og eldri)
  • Ballett (fyrir 12 ára og eldri)
  • Tækni/styrkur/liðleiki (fyrir 12 ára og eldri)

Fatnaður í jazzdansi

    Nemendur eiga að mæta í þröngum svörtum leggings og hlýra eða ballettbol.

    Mikilvægt er að nemendur mæti ekki í víðum fötum þar sem erfitt er að leiðrétta nemendur þegar að kennarinn sér ekki almennilega hnéin eða mjaðmir og getur það leitt til slæmrar líkamsstöðu.

    Nemendur eiga að hafa hárið ávallt greitt snyrtilega frá andliti

    Hægt er að versla viðeigandi æfingarfatnað hjá skólanum.

    Valtímar í boði

    Valtímar eru kenndir einu sinni í viku. Tímarnir hefjast í vikunni 2. – 6. september

    Vinsamlega athugið að í sumir valtíma er gerð krafa um fyrri dansreynslu og að nemendur séu skráðir í grunndeild.

    Ekki taka allir valtímar þátt í jóla- og vorsýningum skólans.

    Sérstakt verð er í boði fyrir nemendur skráða í grunndeild og því ekki fjölgreinaafsláttur í boði.

    Skráning

    Commercial fyrir 9 ára og eldri

    Commercial dans er gríðarlega vinsæll dansstíll en hann má sjá t.d. í tónlistarmyndböndum, tónleikum, kvikmyndum, auglýsingum o.fl. 

    Tímarnir byggjast á því að nemendur læri skemmtilegar og krefjandi kóreógrafíur við ný sem og gömul popplög þar sem áherslan er á dýnamík í hreyfingum og framkomu. 

    Hópurinn mun taka þátt í bæði jóla- og vorsýningu skólans.

    Skipting í hópa er eftirfarandi

    • C- hópur fyrir 9-11 ára
    • D-hópur fyrir 12-14 ára
    • E-hópur fyrir 15+

     Nútímadans fyrir 9 ára og eldri

    Nútímadans er dansstíll sem ögrar skipulagðri danstæki hins klassíska ballets. Í nútímadansi er lögð áhersla á tjáningu og frelsi. Nemendur fæddir 2013 geta byrjað að æfa nútímadans. 

    Í þessum tímum lærir þú undirstöður, tækni og grunnatriði í nútímadansi ásamt því að áhersla er lögð á flæði, snerpu, spuna og tjáningu í dansi. Dæmi um nútímadans má sjá hjá hinum ýmsu dansflokkum um heiminn m.a. hjá Íslenska dansflokknum

    Hópurinn mun taka þátt í bæði jóla- og vorsýningu skólans.

    Skipting í hópa er eftirfarandi

    • C- hópur fyrir 9-11 ára
    • D-hópur fyrir 12-14 ára
    • E-hópur fyrir 15+

    Söngleikjadans fyrir 6 ára og eldri

    Frábært val fyrir þá sem vilja efla sviðsframkomu og læra skemmtilega söngleikjadansa.

    Hér er lögð áhersla á sviðsframkomu, túlkun, líkamsbeitingu og sjálfsöryggi. Kenndir eru dansar við lög úr söngleikjum, dæmi um söngleikjadans er til dæmis dansar við lög úr söngleikjunum Mamma Mia, Lion King, Mary Poppins, Frozen og margt fleira.

    Hópurinn mun taka þátt í bæði jóla- og vorsýningu skólans.

    Skipting í hópa er eftirfarandi

    • B-hópur fyrir 6-8 ára
    • C- hópur fyrir 9-11 ára
    • DE-hópur fyrir 12 ára og eldri (ath æfa einu sinni í viku tvær klst í senn)

    Ekki er gerð krafa um fyrri dansreynslu né að nemendur séu skráðir í grunndeild. 

    Ballettval fyrir 12 ára og eldri

    Ballett val er einunis í boði fyrir nemendur skráða í jazz eða ballett hópa skólans. Valið er frábært fyrir áhugasama nemendur í ballett deild skólans sem að vilja bæta við sig ballett tíma ásamt þeim jazz nemendum sem hafa áhuga á að æfa ballett einu sinni í viku. 

    Klassískur ballett er nauðsynlegur fyrir alla sem vilja ná góðri undirstöðu í nánast öllum dansstílum.

    Skipting í hópa er eftirfarandi

    • DE hópur 12 ára og eldri



    Tækni, styrkur og liðleiki fyrir 12 ára og eldri

    Tækni tímar eru frábær viðbót fyrir nemendur í bæði jazz og ballett námi, skylda er að vera skráður í annað hvort jazz eða ballett hóp til að fá aðgang að skráningu í tæknival.

    Í tímunum er lögð áhersla á að dýpka þekkingu nemenda á tækni enn frekar ásamt því að gera styrktar og teygjuæfingar. Frábær og mikilvægt viðbót fyrir metnaðarfullar dansnemendur sem vilja ná langt.

    Skipting í hópa er eftirfarandi

    • DE hópur 12 ára og eldri

    Táskóval fyrir 12 ára og eldri

    Táskóval er einungis í boði fyrir nemendur í DE ballett deild skólans. Kennt er táskó tækni og rútínur.

    Skipting í hópa er eftirfarandi

    • DE hópur 12 ára og eldri