Sumarnámskeið

Sumarið 2026 mun Listdansskóli Hafnarfjarðar bjóða upp á nokkur frí dansnámskeið en ath að 1.500 kr skráningargjald er á hvert námskeið.

Um dansnámskeiðin:
Á námskeiðinu fá börnin að kynnast fjölbreyttum dansstílum þar á meðal klassískum ballett, djassdansi, spuna, söngleikjadansi og nútímadansi. Börnin kynnast dansinum í gegnum sköpun og leik þar sem aðaláherslan er dansgleði.

Námskeiðin verða með svipuðu móti hvað varðar dagskrá og upphitunaræfingar en þar sem áhersla er lögð á skapandi vinnu nemenda er auðvelt að koma á nokkur námskeið yfir sumarið.

Námskeiðin verða haldin inn í Listdansskóla Hafnarfjarðar ásamt því að farið verður út með hópana þegar veður leyfir. Námskeiðin enda með sýningu fyrir foreldra.

Leiðbeinendur okkar eru starfsmenn Listdansskóla Hafnarfjarðar sem hafa reynslu af námskeiðahaldi og vinna með börnum.